Les soldats du traval, l’cœur gros, in haies d’honneur
Sont là, près d’ein stèle ou au pied d’ein cheval’mint
Pou ell’ commémoration d’ein trist’momint
In rhabillures ed’ bleus et barrettes blanques : les mineurs.

II’s sont v’nus au monte pas ben long d’ech’trou ed’fosse.
I’s connurent ben des misères, mais i’s z’ont mingé l’carbon.
S’ z’actionnaires des compagnies, pour garder les gosses
S’ z’ont logé dins des cités, mais surtout des corons.

À l’âge d’13 ans, les garchons connaissotent leu z’av’nir,
Perdrotent leu trésor ed’santé et attraprotent ell’silicosse.
Les bougres, plein ed’générosité, pou ell’France, allotent s’investir.
À c’t’heure, in pinsant à eusses, ell’mémoire as’posse.

Les villes arcachent leur passé pour écrire leux histoires.
Des flammes sont ranimées au souv’nir des grands malheurs.
I’n’ faut point oblier cheus qui sont queues au labeur,
Chés hommes ed’bravoure qui ont fait plus que leu d’voir.

Nourris ed’promesses sont partis dins l’souffrance.
Chés pauv’diapes ont tout donné avec leu cœur ou pa fierté
Pou faire arpartir s’z’industries, pou qu’elle France
Artrouv’ s’Honneur et s’Liberté…

* Poète après 30 ans de fond à Lens.